बैतडी, साउन १४ । परिवार नियोजन सुन्न नचाहने बैतडीका धामीझाँक्री घर-घरमा कन्डम बाँडन थालेका छन्। झारफुकमा जाँदा उनीहरूले कन्डमसहित प्राथमिक उपचारका लागि औषधी बोक्ने गरेका छन्। पुरुषले मात्र होइन, महिला धामीले पनि संकोच नमानी कन्डम बाँड्ने गरेका स्थानीय बताउँछन्।
सन्तानलाई ‘भगवानको वरदान' ठान्ने धामीहरू परिवार नियोजनका साधन प्रयोग गर्ने व्यक्तिहरूसँग रिसाउँथे। झन् स्थायी नियोजनको कुरा त उनीहरू सुन्नै चाहँदैनथे। कन्डमलगायत नियोजनका साधन प्रयोग गर्न सिकाएर उनीहरूले जन्मदर घटाउन सहयोग पुर्याइरहेका छन्। स्थानीय समाजसेवी राधिका पन्तले भनिन्, ‘स्वास्थ्य स्वयंसेविकाको विरोध गर्ने धामीहरू नियोजनका साधन बाँड्न हिँडेको देख्दा खुसी लाग्छ।'
नेपाल परिवार नियोजन संघ बैतडी शाखाको पहलमा त्यहाँका धामीझाँक्री जनचेतनामूलक कार्यक्रममा सरिक भएका हुन्। केहीअघि गठित प्रतिष्ठित धामी समूहले गाउँमा परिवार नियोजन तथा प्रजनन स्वास्थ्यसम्बन्धी चेतनामूलक कार्यक्रम गरिरहेको छ।
असुरक्षित रूपमा सुत्केरी गराउँदा वर्षेनी दर्जनौं महिलाले अकालमा ज्यान गुमाइरहेका छन्। अझै पनि गाउँघरमा धामीप्रति विश्वास रहेकाले जनचेतनाका लागि उनीहरूको प्रयोग गरिएको संघका अध्यक्ष विष्णुदत्त जोशीले बताए।
बैतडीका गाउँमा बिरामी हुँदा अझै पनि अस्पताल लैजानुपहिले झाँक्री बसाउने प्रचलन छ। सुत्केरी महिलालाई समेत धामीकहाँ लैजाने परिपाटीले धेरै महिलाले ज्यान गुमाउनुपरेको जिल्ला जनस्वास्थ्य कार्यालयले जनाएको छ। जोशीले भने, ‘धामी-झाँक्रीलाई अघि सारेर जनस्वास्थ्यसम्बन्धी कार्यक्रम गर्दा प्रभावकारी भएको पाइएको छ।'
स्वास्थ्यसम्बन्धी अन्धविश्वास हटाउन प्रतिष्ठित धामी समूह गठन गरिएको लाटा देवताका धामी हरिप्रसाद जोशीले बताए।
६२ गाविस र एक नगरपालिकामा गरी २ हजार धामी रहेको तथ्यांक भए समूहमा ५ सय ५० धामी आबद्ध छन्। धामीहरूले स्वयंसेवकका रूपमा प्रजनन स्वास्थ्यबारे चेतना फैलाउने काम गरेको प्रतिष्ठित धामी समूहका अध्यक्ष बलवीर बिष्टले बताए। पहिले आनाकानी गर्ने महिला धामी-झाँक्रीको सल्लाहअनुसार अस्पताल जाने गरेका छन्।
विदेशमा नेपाली गतिविधि 
बाबुराम भंडारी सिंगापुर । नेपाली नारीहरुको महान पर्व तिजका अबसर पारेर सिंगापुरमा पनि नेपाली महिलाहरुले पहिलोपटक हर्षोल्लासका साथ भाद्र २४ गते तिज मनाएका छन । 
सगरमाथा आरोहि तेम्बा सेर्पाको "हिमाली हावा" सिडी क्यासेटको विमोचन हालै अमेरिकामा भएको छ । 
क्यालिफोर्निया । नेपालका ख्यातिप्राप्त कलाकारहरु दिपकराज गिरी, दिपाश्री निरौला, गोपाल अधिकारी अथवा टवाकेन्द्रका साथमा नेपाली आधुनिक गायक याम बराल र गायिका नलिना चित्राकारको भव्य प्रश्तुति रहेको कार्यक्रम सान फ्रान्सिस्को स्थित हिलटन होटलमा यहि सेप्टम्वर ८ मा सम्पन्न भएको छ । 
ध्रुव थापा । नेपाल विश्व सहयोग संघले अब आफ्नो ध्यान च्यटरहरुलाई ब्यबस्थित गर्ने तथाअमेरिकी राज्यहरुमा सङठन बिस्तार तिर केन्द्रित भएको छ । 
कृष्णप्रकाश श्रेष्ठमास्को ४ सेप्टेम्बर २०१० शनिवार । रुसको राजधानी मास्कोको स्थापना भएको ८६४ वर्ष पुरा भएको अबसरमा ४ सेप्टेम्बरका दिन युरोपकै सर्वोच्च हिमशिखर पूर्वी चुचुरो ५६२९ मिटर र पश्चिमी चुचुरो ५६४२ मिटर एल्ब्रुस-विजेता समावेसी नेपाली नारी पर्वतारोही टोलीको भव्य स्वागत गरिएको छ 
लरक्कै लर्क्यो रातो सारी भुंइमा,
संगीसाथी सबै भैराछ भेला
भन्देउ न कुन चांहि राम्री हामी दुइमा । 
