नेकपा (एमाले) का अध्यक्ष झलनाथ खनालले साउन १७ गतेको प्रधानमन्त्रीय निर्वाचनमा पनि कुनै नेताले
बहुमत नल्याउने ठोकुवा गर्नुभएको छ । शान्ति, संविधान जस्ता राष्ट्रिय विषय पूरा गर्न राष्ट्रिय
सहमतिका लागि एमाले जोसुकै उम्मेदवारलाई पनि समर्थन गर्न तयार रहेको बताउनुभयो । उहाँले पुष्पकमल दाहाल र
रामचन्द्र पौडेल दुवैलाई उम्मेद्वारी फिर्ता लिई सहमतिको नयाँ वातावरण बनाउनुपर्ने बताउनुभयो ।
युवा सङ्घ केन्द्रीय समितिद्वारा आयोजित शान्ति र संविधानका लागि राष्ट्रिय सहमति विषयक विचार गोष्ठीमा उहाँले कङ्ग्रेस र एमाओवादीका प्रधान मन्त्रीका उम्मेदवारलाई उम्मेदवारी फिर्ता लिएर राष्ट्रिय सहमतिको नयाँ आधार तयार गर्न पनि आह्वान गर्नुभयो ।
“फेरि पनि बहुमतीय सरकारका लागि प्रतिस्पर्धा गरेमा हात लागे शून्य भई त्यो
दुर्भाग्य हुनेछ, दश महिना फेरि त्यसै खेर जानेछ”– अध्यक्ष खनालले
भनाई
छ ।
उहाँले राष्ट्रिय सहमतिका
लागि कांग्रेसलाई त्याग गर्न र एमाओवादीलाई विषयमा आधारित भएर विगतका सहमति
कार्यान्वयन गरी उदाहरण प्रस्तुत गर्न आग्रह गर्नुभयो । नियम संशोधन गरेर भए पनि
अहिलेको प्रधान मन्त्री चुनावको प्रक्रियाको अन्त गरेर सहमति अहिलेको आवश्यकता भएको
उहाँले बताउनुभयो ।
सोही कार्यक्रममा नेपाली कङ्ग्रेसका उपसभापति प्रकाशमान सिंहले प्रधान मन्त्री निर्वाचनको अहिलेको चरण नटुङ्ग्याई नियम परिवर्तन गर्न नसकिने बताउनुभयो । “ फुटबल खेल सुरु भयो तर हामी खेल्दैनौँ नियम परिवर्तन गरौँ भनेर हुन्छ ? पहिले खेल टुङ्ग्याउँ”- उपसभापति सिंहले भन्नुभयो ।
एनेकपा माओवादीका उपाध्यक्ष नारायणकाजी श्रेष्ठले सरकार बनाउनका लागि मधेसवादी मोर्चाले उठाएको एक मधेस एक प्रदेशको माग स्वीकार गर्न नसकिने बताउनुभयो ।
मधेसी जनअधिकार फोरमका अध्यक्ष उपेन्द्र यादवले राष्ट्रिय सहमतिका लागि शान्ति प्रक्रियामा बाँकी रहेका काम सकेर लोकतान्त्रिक संविधान बनाउने र मधेस लगायतका विभिन्न क्षेत्रले उठाएका माग पूरा हुने आधार र विश्वास गराउनुपर्ने अहिलेको आवश्यकता भएको बताउनुभयो ।
विदेशमा नेपाली गतिविधि 
बाबुराम भंडारी सिंगापुर । नेपाली नारीहरुको महान पर्व तिजका अबसर पारेर सिंगापुरमा पनि नेपाली महिलाहरुले पहिलोपटक हर्षोल्लासका साथ भाद्र २४ गते तिज मनाएका छन । 
सगरमाथा आरोहि तेम्बा सेर्पाको "हिमाली हावा" सिडी क्यासेटको विमोचन हालै अमेरिकामा भएको छ । 
क्यालिफोर्निया । नेपालका ख्यातिप्राप्त कलाकारहरु दिपकराज गिरी, दिपाश्री निरौला, गोपाल अधिकारी अथवा टवाकेन्द्रका साथमा नेपाली आधुनिक गायक याम बराल र गायिका नलिना चित्राकारको भव्य प्रश्तुति रहेको कार्यक्रम सान फ्रान्सिस्को स्थित हिलटन होटलमा यहि सेप्टम्वर ८ मा सम्पन्न भएको छ । 
ध्रुव थापा । नेपाल विश्व सहयोग संघले अब आफ्नो ध्यान च्यटरहरुलाई ब्यबस्थित गर्ने तथाअमेरिकी राज्यहरुमा सङठन बिस्तार तिर केन्द्रित भएको छ । 
कृष्णप्रकाश श्रेष्ठमास्को ४ सेप्टेम्बर २०१० शनिवार । रुसको राजधानी मास्कोको स्थापना भएको ८६४ वर्ष पुरा भएको अबसरमा ४ सेप्टेम्बरका दिन युरोपकै सर्वोच्च हिमशिखर पूर्वी चुचुरो ५६२९ मिटर र पश्चिमी चुचुरो ५६४२ मिटर एल्ब्रुस-विजेता समावेसी नेपाली नारी पर्वतारोही टोलीको भव्य स्वागत गरिएको छ 
लरक्कै लर्क्यो रातो सारी भुंइमा,
संगीसाथी सबै भैराछ भेला
भन्देउ न कुन चांहि राम्री हामी दुइमा । 
